كورس التشطيبات المعمارية

الهندسة عموما والتشطيب خصوصاً مش حاجة تتذاكر، علشان كدا كليات الهندسة وخصوصا التخصصات المعمارية مابتلاقيش فيها كتب تتدرس، كلها معتمدة على ان الطالب يتعلم بنفسه وينزل تدريب وياخد دورات عملية. يبقى لما نقول كورس تشطيب معماري ليه تقرا مقالات وتشوف صور وفيديو لما ممكن تنفذه عملي؟

أبعاد للديكور والعمارة بتقدم الآن كورس التشطيبات المعمارية. الكورس عبارة عن دورات تدريبية عملي ونظري، بعكس كورسات الانترنت اللي معتمدة على الشرح بس.

أبعاد للديكور والعمارة هاتوفرلك مهندسين متخصصين في التشطيب والديكور لكل بنود المعمار تكون معاك خطوة بخطوة علشان تفهمك كل مرحلة من التشطيب محتاجه ايه. وتنزلك تدريب عملي تحت اشرافهم في المواقع تستلم معاهم الشغل وتشوف ايه المشاكل اللي ممكن تقابلك على ارض الواقع واذاي تتعالج وتستلمها تسليم نهائي بدون أخطاء.

الكورس معانا مختلف، لأننا مابنعتمدش على خريجين أو طلبة هندسة بس. علشان كدا قررنا نبدأها من الصفر على مراحل علشان كل واحد يشوف المرحلة اللي محتاجها ويبدء منها

مراحل التصميم وتجهيز المشروع

• المرحلة الأولى:
  عبارة عن 4 محاضرات + 4 تدريب عملي هاتتعلم فيهم اذاي تبدء تصميم وتحسب التكلفة.
  1. تجهيز الرسومات المعمارية.
     اول خطوة هاتتعلم معانا اذاي ترسم الشقة أو الفيلا اللي عايز تشطبها أو تعملها شغل الديكور اللي مطلوب منك. ايه هي النقط المهمة اللي محتاج تحددها على الرسم واذاي ترفع مقاسات وتحدد مناسيب الشغل.
     تدريب عملي: هاتنزل موقع من مواقعنا تطبق الدرس عليه وترقع مقاساته وترسمه.
  2. الفرش المعماري.
     الفرش مش مجرد توزيع كنبة وكرسي، في حاجات كتير لازم تاخدها في الإعتبار، منها علاقة الفراغات ببعضها ومسارات الحركة والاضائة الطبيعية واتجاه الرياح والقبلة وخلافه، هاتعرف في المحاضرة دي اذاي توزع الفرش بشكل صحيح وايه هي المقاسات الاساسية لكل قطعة أثاث في التصميم، اذاي تفصل فراغات داخل نفس الغرفة واذاي توظف المشاكل اللي في التصميم المعماري ذي العمدان والكمر الساقط في الفرش والديكور.
     تدريب عملي: توزيع وتصميم فرش على الوحدات اللي اترفعت قبل كدا أو نماذج معمارية مختلفة.
  3. تصميم الديكور وأنواعه.
     طبعا التشطيب مش عبارة عن فرش والوان على الحيط وخلاص. أبعاد بتقدم خدمة حصرية مش هاتلاقيها في أي كورس أونلاين وهي انها هاتعلمك اذاي تستخدم الديكور وتضيفة للتصميم والفرش، اذاي تعمل روح للشقة أو الفيلا وتضيفلها لمسات ديكور مختلفة وتعرفك إيه الفرق في الفرش والديكور المودرن والكلاسيك والاستيل وهخلافه وايه المتداول في الشغل بالأنواع والاستايلات دي والي هاتحتاج تضيفه في كل فراغ علشان تحقق استايل الديكور المطلوب. وكمان هاتتعلم اذاي تعمل نوت بورد للعميل للتصميمات وتعتمدها معاه.
     تدريب عملي: جولة في المواقع المختلفة توضح استخدامات الديكور لكل استايل واذاي بتدمج التصميم الداخلي أو الانتريور Interior مع الفرش حسب كل فراغ وحسب احتياجات العميل.
  4. حساب الكميات.
     بعد ماخلصنا التصميم وتوزيع الفرش وحددنا الاستايل والديكور اللي هانستخدمه، محتاج انك تعرف تكلفة التشطيب والجدول الزمني أو الوقت اللي هاتحتاجه علشان تخلص الشغل المطلوب، وده هايبقى شرح مجزء على البنود، هتاخد فكرة عامة عنه واذاي تطلع المساحات العامة لكل غرفة ذي الجدران والأرضيات والأسقف واذاي تحسب الكميات اللي محتاجها للسيراميك وايه هي نسبة الهدر لكل بند ومتوسط حسابات المصنعيات للبنود المختلفة ومتوسط أسعار الخامات اللازمة للشغل المطلوب.
     تدريب عملي: حساب كميات ومساحات نماذج معمارية مختلفة.

مدة المرحلة أسبوعين – يومين حضور بالأسبوع

مراحل التشطيب المعماري

كل بند من محاضرتين (محاضرة على الأقل عملي بالموقع)

• المرحلة الأولى:
  مرحلة النصف تشطيب ودي عبارة عن 6 أجزاء تشمل البنود الأولية لأي مشروع خرساني.
  1. أعمال المباني وتحديد المستويات.
  2. تأسيس السباكة.
  3. تأسيس الكهرباء.
  4. تأسيس التكييف بأنواعه وشفاطات الهواء السقفية.
  5. أعمال النجارة.
  6. أعمال البياض / المحارة.

مدة المرحلة أسبوعين، 3 أيام حضور بالأسبوع

• المرحلة الثانية:
  مرحلة التشطيب الأساسي. ودي عبارة عن تعريف بالأنواع المختلفة للتبليطات والتجاليد واختيار الخامات للبنود الأساسية للتشطيب المعماري.
  1. تعريف بانواع التبليطات والتجليدات المختلفة واختيار الأنسب.
  2. أعمال البلاط والبورسلين والسيراميك ” الأرضيات “.
  3. أعمال الاسقف المعلقة.
  4. أعمال الدهانات.

مدة المرحلة أسبوعين، مرتين حضور بالأسبوع

• المرحلة الثالثة:
       التشطيبات الديكورية والبنود الخاصة.
  1. أعمال الحجر الصناعي.
  2. التجاليد الخشبية والمكتبات.
  3. أعمال التكسيات الرخام.
  4. وحدات المطابخ والحمامات وأنواعها.
  5. أعمال الانترلوك والبازلت والبردوات لممرات السيارات.
  6. أعمال أخرى

مدة المرحلة أسبوعين، 3 أيام حضور بالأسبوع

بعد استكمال جميع محاضرات الكورس والتدريبات والإشراف العملي هتكون على استعداد انك تنزل مواقع وتبدء شغلك الخاص أو حتى تشطب بيتك. مش شرط للمتقدم انه يكون خريج هندسة أو فنون جميلة لان احنا هنشرح كل المراحل بالتفصيل.

الكورسات منفصله، يعني تقدر تاخد أي مرحلة منهم اللي انت محتاجها بس.

سعر المرحلة الواحدة 500 جنية

ودلوقت لفترة محدودة/ توظيف المتفوقين بالشركة

الحجز بأسبقية التسجيل على النموذج التالي.

(تم انتهاء فترة الحجز)

بداية الدورة 1 فبراير 2021